حسنين ومحمدين دول إتنين مساطيل
في يوم وهما مروحين بعد ما إتسطلو لقو واحد مرمي في الشارع
حسنين: مش ده منصور؟
محمدين: آه ده شكله منصور
حسنين: ده شكله ميت
محمدين: آه شكله ميت لاحول ولا قوة إلا بالله
حسنين: وهنسيبه كدة مرمي في الشارع؟
محمدين: طب هنعمل له إيه ؟ ماهو شكله كدة ميت
حسنين: إنت مسطول وللا إيه؟ لازم نوديه البيت
محمدين: طيب اللي تشوفه
حسنين: يا أخي ده إحنا قدام البيت
محمدين: يللا
وشالوه وطلعو بيه العمارة
ومنصور ده كان ساكن في الدور التاسع
حسنين: مش ده الدور اللي ساكن فيه منصور؟
محمدين: آه هو ده الدور
حسنين: مش دي شقة منصور؟
محمدين: آه هي دي شقة منصور
وحطو إيديهم في جيبه وطلعو المفاتيح
وفتحو الشقة ودخلو
حسنين: مش دي أوضة نوم منصور؟
محمدين: آه هي دي أوضة نوم منصور
وهيلا بيلا حدفوه على السرير
ولما نزلو لقو واحد مرمي في الشارع!!!!!!!!!!!!
حسنين: مش ده منصور..........
المهم علشان ما أطولش عليكم الموضوع ده إتكرر في نفس الليلة 8 مرات
وفي المرة التاسعة لما نزلو لقو واحد مرمي في الشارع
حسنين: الله!! مش ده منصور؟
محمدين آه ده شكله منصور
حسنين: إنت تخرس خالص
شكلك كده مسطول وهتودينا في داهية
إستنى لما أنادي ع البواب
وراح نده على البواب وصحاه من نومه
وقال له: تعالى يا عم عثمان منصور مرمي في الشارع وشكله كدة تعبان
عثمان: ده لازم جت له غيبوبة السكر
حسنين: طب تعالى معايا
وخرجو في الشارع
حسنين: مش ده منصور؟
عثمان: أيوة يا بيه
حسنين: مش دي العمارة اللي ساكن فيها منصور؟
عثمان: أيوة يا بيه
طلعو بيه للدور التاسع
حسنين: مش ده الدور اللي ساكن فيه منصور؟
عثمان: أيوة يا بيه
حسنين: مش دي شقة منصور؟
عثمان: أيوة يا بيه
محمدين: صدقتني؟ علشان بس متقولش عليا تاني إني مسطول
حسنين: شششششش إخرس خالص يا إبن المسطولة
محمدين: طيب
فتحو باب الشقة ودخلو
حسنين: مش دي أوضة نوم منصور؟
عثمان: أيوة يا بيه
حسنين: مش ده سرير منصور؟
عثمان: لأ يا بيه دي البلكونة
هههههههههههههههههه
معلش
أنا عارف إنها طويلة
بس أعمل إيه
والله أنا كدة مختصرها
يارب تكون
Subject: نكته جامدة طحن 
Mon Sep 03, 2007 1:33 pm